周秀娜擘髀甜笑呻吟

周秀娜學擘髀甜笑呻吟

片
http://orientaldaily.on.cc/cnt/e ... 0319/00282_015.html

「宅男女神」周秀娜雖然名花有主，但依然吸引不少狂蜂浪蝶埋身。日前娜姐向「大隻仔」學功夫，雖有男方相助完成拉筋動作，但仍露出痛苦表情。期間兩人不時有身體接觸，女方頻頻甜笑之餘，更狂篤「大隻仔」手臂及胸肌，認真曖昧！

「大隻仔」幫娜姐熱身拉筋，少運動的她即時痛苦呻吟，要對方停一停。

擁有32Ｄ惹火身材的周秀娜與男友陳偉成（Avis）雖然拍拖多年，但自娜姐走紅後，兩人聚少離多，經常為此鬧交，娜姐更曾戲言與Avis唔分手都偷笑！感情如此不穩，難怪仍有狂蜂浪蝶打娜姐主意。除了之前被拍得與電影監製黃永峰吃飯外，最近還有健身教練「大隻仔」。

據知，娜姐即將接拍新戲飾演功夫了得的女俠，早前專誠找來私人教練學拳腳功夫。可能娜姐少運動，做一字馬或拉筋動作均表現吃力，「大隻仔」見狀，即幫娜姐俯身拉筋，女方最終完成動作，兼露出四吋事業線。暈晒大浪的「大隻仔」即落多兩錢肉緊替對方做一字馬，期間不時用巨胸頂着娜姐耳語，女方亦相當受落頻頻甜笑。

娜姐放下女性矜持，忍不住篤「大隻仔」胸肌。

娜姐做唔到一字馬，「大隻仔」當然樂意相助。

「大隻仔」胸壓娜姐咬耳仔。

角度問題唔認曖昧
之後「大隻仔」再教娜姐耍拳，期間觸碰女方玉手、玉臂兼胸壓，娜姐亦禮尚往來伸手篤對方手臂及胸肌。之後男方借出膊頭再幫娜姐拉腳筋，未知是否因玉腿曾受傷，娜姐拉筋時表現痛苦，頻頻發出呻吟聲。

娜姐接受電話訪問時直認跟「大隻仔」學功夫：「佢個名叫楊建平，遲啲會同我合作拍戲。佢係好多屆自由搏擊冠軍，之前見佢咁啱喺香港，咪叫佢教我耍番幾招咯。」提到兩人練功時非常曖昧，她笑謂：「角度問題啫。（你篤佢個胸喎！）從未見過男人個胸咁大，咪好奇篤吓。」