謝安琪（Kay）同任賢齊今日去到尖沙嘴出席單車百萬行活動，兩人齊齊以單車look現身。
Kay表示新年留港同家人過年，對於有報道指佢向圈內人推銷護膚用品，更月賺30萬，佢就否認「拆家」身份，佢話：「我都覺得好好笑，我同其他人一樣，只係用家唔知點解做咗拆家，我冇喺呢個傳銷產品上有戶口，不過人哋問我用乜牌子，我會話畀人知。」
對於指佢月賺30萬，佢回應：「數字上賺到咁多錢好好笑，我自己都算好感恩，呢年喺內地發展都好順利，唔需要打多份工幫補生計。」
此外，任賢齊表示農曆新年，可以留喺台北過年，稍後亦有電影工作喺台灣製作，而4月將開拍自己監製嘅電影，自言將會駛唔少錢。
 |
發表於 2014-1-25 13:35
| 
