可以話係我有史以來最震撼的家訪之家訪tangcoma

本帖最後由大口仔/bmb 於 2015-1-24 11:08 編輯

話說會搵返d特別d嘅家訪去分享

，第一個諗起嘅家訪一定係佢，我諗冇邊一個家庭影院玩家會唔知呢張紅色梳化嘅主人係邊個，登登登凳，今次主角就係tangcoma!

家訪當天和朋友同coma兄一齊食飯，飯后一入屋coma 兄就帶住我地直搗黃龍，就係coma 兄嘅毒窟，coma 兄非常客氣馬上叫我地坐上Sofa皇帝位開波。

Coma 兄用嘅影音器材我也不再多花時間寫了因好多人都知道了，坐上張梳化非常之舒服，正所謂飯氣攻心

，剛想小睡片刻coma 兄就攞隻GI Joe 2 幫我地醒下神

，試机片段當然係黑白忍者對打同直落到雪山追逐戰，張裝上D-Box 系統真係震得零舍不同，拳拳到肉兼且佢係有3D感的，即係会隨著劇情需要而上下，左右及向前向後咁樣震動，我問coma 兄呢個D-Box 點樣update d 新電影震動資料，原來係每個月要俾月費updates, 另外因為D-Box系統沒有港產片資料，用家重要張隻藍光碟寄比廠去update，為左睇一齣戲得到最高嘅享受，真係唔能夠唔佩服coma 兄嘅熱誠。

睇完打鬥動作片，coma兄再用當時大熱賽車片Need for Speed 及一堆科幻片如Avatar, 美國隊長等招呼我地，呢d科幻片嘅音效加上D-box嘅臨場感受，加上畫面嘅衝擊真係帶比我地倆另一種4D新感受!

一直以來都諗住天龍AV AMP (Deno AVP-A1HDA 3D)係一味得個大力同硬声，但係coma兄呢度完全没有討人厭的惡聲，想必係coma兄之前大手筆地更换缐材嘅mix and match 結果。

另外亦沒有因小空間低頻太多boom的情況 (用上2隻JL Audio 113!!!)，因coma 説佢用左 Auralex room ascoustic 房間處理，我地一般人都係上網去淘呢一類房間處理產品，而coma兄則不惜工本為求目的堅持用有品牌產品，由此可以見到coma 兄係一個完美主義者!

係當天家訪之時，已經得悉机主会喺未來嘅日子升級Pre/ Pro，最近更知道coma 兄已訂了更高級嘅法国Trinnov AV Pre/ Pro, 更可一机支持atmos 及 Auro 3D 兩種新制式，真係好期待能再家訪 coma 兄，見識一下呢個法裔紳士嘅魅力!