沙律

攝影：仇志德

書展寫真戰呢幾年已經冇乜睇頭，當大家都冇乜意欲追看嘅時候，今年竟然有突破性嘅發展，松岡李那嘅男友視角拍攝同楊思琦童顏噴血寫真，都讓人期待，而有睇頭唔止佢哋，仲有33E張沛樂（沙律）同32D趙詠瑤（Kimi），佢哋以孖妹姿態推出旅遊寫真《閨蜜遊記》，仲用咗一星期時間由台北影到台南，性感留住閨密回憶。

沙律同Kimi已經名花有主，一個男友係林耀聲，一個已為人妻，但係今次寫真拍攝依然豁出去大晒性感底線，寫真以旅遊為主題，原來佢哋嘅友情亦係由旅遊開始，Kimi話：「我哋喺ViuTV嘅選美開始熟，之後仲相約兩pair人一齊去日本旅行，記得浸溫泉嗰日我哋好期待沙律除晒衫，睇完真係嘩嘩聲，一個等如我哋兩個，到o依家已經睇慣晒，覺得冇得同佢比，o依家去旅行都成日一齊沖涼。」

沙律同Kimi期望今次真寫大賣，沙律話：「希望大家諗起Kimi就諗起沙律，諗起沙律就諗到Kimi。o依家每日都慶祝緊㗎喇。」而Kimi就話希望「兩姊妹」可以繼續去旅行，寫真成績好嘅話明年就單飛出寫真咁話。

Profile
姓名：張沛樂（Charlotte沙律）
年齡：26歲
三圍：33E、24、35
入行經過：模特兒出身，參加美選D.n.A進入8強，現主力拍電影與網劇
拍攝經驗：電影《特區》、《作家的謊言》、《催眠裁決》等，網劇《向西聞記 PTGF》、《蝕日風暴》等

姓名：趙詠瑤（Kimi）
年齡：26歲
三圍：32D、24、35
入行經過：模特兒出身，參加美選D.n.A後加入ViuTV，成為主持兼藝人，曾拍攝電影與網大，同時是youtuber

拍攝經驗：電影《同囚》、《鬼網》、《我的情敵女婿》等，網劇《女明星失踪事件》、《香港風電之教父》等

採訪：羅慧敏
攝影：仇志德
攝錄：廖達燊