伍倩彤

攝影︰周樂桓

「第四代邦民女」伍倩彤（Gillian）外號多多，計有「翻版陳瀅」及「翻版徐子珊」外，更因天使面孔、魔鬼身材，獲封為「內衣女神」。不過，她出身自單親家庭，對愛情沒安全感，曾遇花心男錯愛大叔，令她要發憤圖強在事業上闖一番。

在娛圈愛情是禁忌，不過伍倩彤卻直言不乏追求者，先後拍過三次拖，不過她卻以「爛桃花」來形容︰「我覺得佢哋全部都係玩玩吓，可能人哋將焦點放晒落我外表同身材，但其實我性格好man，所以後來追我嗰啲就變咗兄弟。」

Gillian說入行時與前度男友不時為工作吵架，分手後卻留下欠債風波，她餘怒未消︰「嗰陣我哋已經分咗手，但我有知名度，債主搵唔到佢咪搵我囉。當時我好嬲，我唔想呢個人再出現喺我生活影響我。」來自單親家庭，令Gillian喜歡年長過自己的男士拍拖，兩個前男友都是「叔叔」，相差至少十年，她說：「其中一個斷斷續續拍咗六年，試過因為佢有第三者分開咗，之後佢搵返我，但心裏面仲有條刺，每次嗌交都挖番出嚟。」

Gillian入行最難忘是拍避孕套廣告，跟日本AV界「神之手」加藤鷹合作︰「視覺上唔少布，但意識就比較爆炸，但可以同加藤鷹一齊拍廣告好榮幸，我同男model拍床戲嗰陣好緊張，佢仲特登走過嚟打氣，猛嗌：『奸爸嗲』（加油），搞到我哋又尷尬又好笑。」她自言以周秀娜為目標︰「大家都係o靚模出身，佢轉型好成功，各方面都做得好好，係一個完美女人。」