嘉倩BB唔化妝時都好不修邊幅，與IG靚相判若兩人。(攝影﹕徐錦池、畢紹基)
陳嘉倩與「凸肚男友」陳志遠(Stephen)疑為生B問題嗌大交，近日被迫搬離對方寓所。不過，嘉倩BB就急急否認，仲自爆兩人已分開咗一段時間;近日佢都都有如常開工，但心情似乎麻麻。
前日(周六)下午約兩點，嘉倩BB喺港台主持節目後準備離開，今次男友冇嚟接收工。着住短裙仔嘅嘉倩戴住口罩，好似好怕被人認出，連等小巴都刻意面壁，只顧低頭不停打電話，但就冇人聽。佢坐完小巴再轉港鐵到尖東搵朋友，過馬路期間，佢個口罩跌到剩係遮住個嘴，見佢雙眼無神，面帶蒼白，仲要披頭散髮，女神形象真係幻滅晒！
之後嘉倩去Cafe會合女友人，除外套後，見佢上圍豐滿、腰肢圓潤，但就未見肚。佢一坐低就拎起化妝袋補妝，劃完眼線再補唇膏，雖然被人眼望望，但都唔理得咁多。「女神」歸位後，見嘉倩都開心番少少，仲拎咗支新買嘅睫毛筆出嚟，叫朋友幫佢喪影相，見到啲相幾滿意，仲見到難得嘅笑容。之後佢哋又再出去海旁影合照，仲將靚相貼上ig分享。
大約5點鐘，女友人先行離開，嘉倩BB一個人喺尖沙咀周圍行，入咗一條巷仔後出番嚟，跟住去櫃員機，但又唔係㩒錢，行咗足足一個鐘。等了又等，一名男友人終於出現，原來佢哋準備去友人嘅婚宴，但可能擔心好夜先有嘢食，所以就買咗魚蛋醫肚。婚宴後，佢哋再上留喺酒店內，應該仲有after party，至凌晨一時許，嘉倩BB仍未離開。
離開港台等小巴，全程面壁。
等過馬路都停打電話，但就似乎冇人聽。
一坐停就攞化妝袋。
補番個靚妝先。
嘟嘴賣萌。
搵朋友影靚相放上網。
嘉倩BB係街遊蕩足足一個鐘，最後都等到黑衫男士出現，一齊去飲宴。
嘉倩分手後，即有新觀音兵上場。
https://hk.entertainment.appleda ... e/20180101/57648662 |
發表於 2017-12-25 20:39
| 
